ഊട്ടി ബൊട്ടാണിക്കല്‍ ഗാര്‍ഡന്‍സില്‍ അഞ്ചു ദിവസം നീണ്ടുനില്‍ക്കുന്ന വേനല്‍ക്കാല ഫ്ളവര്‍ ഷോ തുടങ്ങി
ഊട്ടി: ഊട്ടി ബൊട്ടാണിക്കല്‍ ഗാര്‍ഡന്‍സില്‍ അഞ്ചു ദിവസം നീണ്ടുനില്‍ക്കുന്ന വേനല്‍ക്കാല ഫ്ളവര്‍ ഷോ തുടങ്ങി.
പുഷ്പ പ്രദര്‍ശനം കൃഷിമന്ത്രി എം.ആര്‍.കെ. പനീര്‍ശെല്‍വം, ടൂറിസം മന്ത്രി രാമചന്ദ്രന്‍, നീലഗിരി എംപി എ.രാജ എന്നിവര്‍ ചേര്‍ന്ന് ഉദ്ഘാടനം ചെയ്തു.
പുഷ്പമേളയോടനുബന്ധിച്ച്‌ ഊട്ടി ബൊട്ടാണിക്കല്‍ ഗാര്‍ഡന്‍റെ പ്രവേശന കവാടം വിനോദസഞ്ചാരികളെ സ്വീകരിക്കാന്‍ വിവിധതരം പൂക്കള്‍ കൊണ്ട് അലങ്കരിച്ചിട്ടുണ്ട്. ആയിരക്കണക്കിനു പൂക്കള്‍കൊണ്ട് ആലങ്കരിച്ച മയിലിന്‍റെ രൂപമാണു വിനോദസഞ്ചാരികളെ വരവേല്‍ക്കുക.
അപൂര്‍വ പൂക്കളുടെ ശേഖരം, വിവിധതരം പൂക്കളുടെ അലങ്കാരങ്ങള്‍, അലങ്കാരച്ചെടികള്‍ എന്നിവയുമായാണ് ഇത്തവണ ഫ്ളവര്‍ഷോ ഒരുക്കിയിട്ടുള്ളത്.
