ഛത്തിസ്ഗഢില്‍ വീണ്ടും സ്‌ഫോടനം. ഐ ടി ബി പി ജവാന് വീരമൃത്യു വരിച്ചു
റായ്പുര്‍ | ഛത്തിസ്ഗഢില്‍ വീണ്ടും സ്‌ഫോടനം. ഐ ടി ബി പി ജവാന് വീരമൃത്യു വരിച്ചു. ഹെഡ് കോണ്‍സ്റ്റബിള്‍ ജോഗിന്ദര്‍ സിംഗാണ് ആക്രമണത്തിനിരയായത്.
ബഡെ ഗോബ്ര ഗ്രാമത്തിലെ ഗരിയബന്തിലാണ് ഐ ഇ ഡി സ്‌ഫോടനമുണ്ടായത്. നിയമസഭാ തിരഞ്ഞെടുപ്പിന്റെ രണ്ടാംഘട്ട വോട്ടെടുപ്പ് കഴിഞ്ഞ് പോളിങ് ഉദ്യോഗസ്ഥര്‍ മടങ്ങുമ്ബോഴാണ് സംഭവം. നക്‌സലൈറ്റുകളാണ് ആക്രമണത്തിനു പിന്നിലെന്നാണ് നിഗമനം.
സംസ്ഥാനത്തെ 90 നിയമസഭാ മണ്ഡലങ്ങളില്‍ 70 ഇടത്താണ് രണ്ടാം ഘട്ടത്തില്‍ വോട്ടെടുപ്പ് നടന്നത്. നവംബര്‍ ഏഴിനായിരുന്നു ആദ്യഘട്ടം. ഡിസംബര്‍ മൂന്നിനാണ് ഫലപ്രഖ്യാപനം.
