അതിരപ്പിള്ളിയില്‍ വിനോദസഞ്ചാരികളുടെ കാറിന് നേരെ കാട്ടാനയുടെ ആക്രമണം. ആനമല റോഡില്‍ ആനക്കയം മേഖലയിലാണ് സംഭവമുണ്ടായത്.
തൃശൂര്‍: അതിരപ്പിള്ളിയില്‍ വിനോദസഞ്ചാരികളുടെ കാറിന് നേരെ കാട്ടാനയുടെ ആക്രമണം. ആനമല റോഡില്‍ ആനക്കയം മേഖലയിലാണ് സംഭവമുണ്ടായത്.
കാറിലുണ്ടായിരുന്നവര്‍ തലനാരിഴക്കാണ് രക്ഷപ്പെട്ടത്.
തിങ്കളാഴ്ച വൈകുന്നേരം 6.30ഓടെയായിരുന്നു അപകടം. റോഡരികില്‍ നിന്ന കാട്ടാന പാഞ്ഞെത്തി കാറിന്‍റെ ബോണറ്റില്‍ ഇടിക്കുകയായിരുന്നു. ഉടന്‍ കാര്‍ പിറകോട്ടെടുത്ത് രക്ഷപ്പെടുകയായിരുന്നു. എറണാകുളം സ്വദേശികളായിരുന്നു കാറില്‍ ഉണ്ടായിരുന്നത്.
വാല്‍പാറയില്‍നിന്ന് മലക്കപ്പാറ വഴി എറണാകുളത്തേക്ക് പോകുകയായിരുന്നു ഇവര്‍.
