കെസിവൈഎം കൊല്ലം രൂപതാതല ക്രിസ്മസ് -പുതുവത്സര ആഘോഷം യുവജന പങ്കാളിത്തം കൊണ്ട് ശ്രദ്ധേയമായി. കെസിവൈഎം കൊല്ലം രൂപതാ സമിതിയുടെ ആഭിമുഖ്യത്തിൽ,കാർണിവൽ 2k22 എന്ന പേരിൽ സംഘടിപ്പിക്കപ്പെട്ട ക്രിസ്മസ് ആഘോഷം കൊല്ലം രൂപതാ വികാർ ജനറൽ മോൺ : വിൻസെന്റ് മച്ചാഡോ ഉത്ഘാടനം ചെയ്തു. തങ്കശ്ശേരി കത്തീഡ്രൽ ഹാളിൽ വച്ച് നടന്ന ആഘോഷ പരിപാടികളിൽ രൂപതയിലെ 8 ഫെറോനകളിൽ നിന്നുള്ള യുവജനങ്ങൾ പങ്കെടുത്തു.
ഉത്ഘാടനത്തിന് ശേഷം വിവിധ ഫെറോനകളിൽ നിന്നുള്ള കലാപരിപാടികൾ അരങ്ങേരി. വ്യത്യസ്തവും വൈവിധ്യവുമാർന്ന കലാപരിപാടികൾ ആഘോഷത്തിന്റെ മാറ്റ് വർധിപ്പിച്ചു. തുടർന്ന് കെസിവൈഎം യൂത്ത് ഐക്കൺ അവാർഡുകൾ പ്രഖ്യാപിച്ചു. 5 വ്യത്യസ്ത മേഖലകളിൽ മികവ് തെളിയിച്ച യുവജനങ്ങൾക്ക് നൽകുന്ന യൂത്ത് ഐക്കൺ അവാർഡുകൾ ചടങ്ങിൽ നൽകുകയും ചെയ്തു. കെസിവൈഎം കൊട്ടിയം ഫെറോനയിൽ നിന്നുള്ള അജിൻ അജയ് മികച്ച യുവജന പ്രവർത്തകനുള്ള യൂത്ത് ഐക്കൺ പുരസ്‌കാരം നേടി. മികച്ച യുവജന പ്രവർത്തകയായി തങ്കശ്ശേരി ഫെറോനയിൽ നിന്നുള്ള നീതു ജോസഫ്, കലാരംഗത്തു മികവ് തെളിയിച്ച പ്രതിഭയായി തുയ്യം ഫെറോനയിൽ നിന്നുള്ള അലീന, വിദ്യാഭ്യാസ രംഗത്ത് കഴിവ് തെളിയിച്ച തുയ്യം ഫെറോനയിൽ നിന്നുള്ള അരുൺ ബോസ്കോ, കായികരംഗത്തു കരുത്തറിയിച്ച കാഞ്ഞിരകോട് ഫെറോനയിൽ നിന്നുള്ള സാം ആന്റണി തുടങ്ങിയവർ പുരസ്‌കാരം നേടി.
കെസിവൈഎം രൂപതാ ഡയറക്ടർ ഫാ ബിന്നി മാനുവൽ പുരസ്കാരങ്ങൾ വിതരണം ചെയ്തു. സംസ്ഥാന പ്രസിഡന്റ് എഡ്വേർഡ് രാജു, രൂപതാ പ്രസിഡന്റ് കിരൺ ക്രിസ്റ്റഫർ, മനീഷ് മാത്യൂസ്, മരിയ ഷെറിൻ, സയന, അമൽ, അലക്സ്, വിജിത, ബ്രൂട്ടസ്,പ്രിൻസ്, നീതു ,നിധിൻ തുടങ്ങിയവർ നേതൃത്വം നൽകി.
