തിരുവനന്തപുരം: തിരുവനന്തപുരത്ത് വ്യാപാരിയെ ജീവനൊടുക്കിയ നിലയില്‍ കണ്ടെത്തി. മലയന്‍കീഴ് സ്വദേശി എസ് വിജയകുമാറാണ് മരിച്ചത്. ലോക്ഡൗണ്‍ മൂലം കച്ചവടം മുടങ്ങിയപ്പോഴുണ്ടായ സാമ്ബത്തിക പ്രയാസമാണ് ആത്മഹത്യക്ക് കാരണമായതെന്ന് പറയുന്നു.
വീട് നിര്‍മ്മാണത്തിനായി ലോണെടുത്തതും മറ്റുള്ളവരില്‍ നിന്നും വാങ്ങിയതുമൊക്കെയായി എകദേശം 15 ലക്ഷത്തോളം രൂപ കടമുണ്ടായിരുന്നെന്നാണ് ആത്മഹത്യാക്കുറിപ്പില്‍ എഴുതിയിരുന്നത്. മലയന്‍കീഴ് പോലീസ് ഇന്‍ക്വസ്റ്റ് നടത്തിയ മൃതദേഹം പോസ്റ്റ്‌മോര്‍ട്ടത്തിനായി മെഡിക്കല്‍ കോളേജിലേക്ക് മാറ്റി.
