തിരുവനന്തപുരം: സൈനിക ഹെലികോപ്ടര്‍ തകര്‍ന്നുണ്ടായ അപകടത്തില്‍ ജീവന്‍ നഷ്ടപ്പെട്ട മലയാളി വ്യോമസേന വാറണ്ട് ഓഫീസര്‍ എ പ്രദീപിന്റെ വിയോഗത്തില്‍ അനുശോചിച്ച്‌ മുഖ്യമന്ത്രി പിണറായി വിജയന്‍.
2018ലെ പ്രളയകാലത്ത് കേരളത്തിനായി സധൈര്യം പ്രയത്നിച്ച സൈനികനാണ് പ്രദീപ്. പ്രദീപിന്റെ വിയോഗം ദുഃഖത്തിലാഴ്ത്തുന്നുവെന്ന് മുഖ്യമന്ത്രി പറഞ്ഞു. തൃശൂര്‍ പുത്തൂര്‍ പൊന്നൂക്കര സ്വദേശിയാണ് പ്രദീപ്.
മുഖ്യമന്ത്രിയുടെ ഫേസ്ബുക്ക് പോസ്റ്റ്:
സൈനിക ഹെലികോപ്‌റ്റര്‍ അപകടത്തില്‍ ജീവന്‍ നഷ്ടമായ മലയാളി വ്യോമസേന വാറന്‍്റ് ഓഫീസര്‍ എ. പ്രദീപിന്‍്റെ വിയോഗം നമ്മളെയാകെ ദുഃഖത്തിലാഴ്ത്തുന്നു. 2018-ല്‍ കേരളം പ്രളയത്തെ നേരിടേണ്ടി വന്നപ്പോള്‍ നാടിന്‍്റെ രക്ഷയ്ക്കായി സധൈര്യം പ്രയത്നിച്ച സൈനികനായിരുന്നു പ്രദീപ്. അദ്ദേഹത്തിന്‍്റെ കുടുംബാംഗങ്ങളുടേയും പ്രിയപ്പെട്ടവരുടേയും ദു:ഖത്തില്‍ പങ്കു ചേരുന്നു. പ്രദീപിനു ആദരാഞ്ജലികള്‍.
