കര്‍ണാടകയില്‍ ഉച്ചവരെ 40 ശതമാനം പോളിംഗ്; എക്സിറ്റ് പോള്‍ ഫലം വൈകുന്നേരത്തോടെ

കര്‍ണാടകയില്‍ 224 നിയമസഭ മണ്ഡലങ്ങളിലേക്കുള്ള വോട്ടെടുപ്പില്‍ ഭേദപ്പെട്ട പോളിംഗ്. ഉച്ചയ്ക്ക് 12 വരെ 40 ശതമാനം പോളിംഗാണ് രേഖപ്പെടുത്തിയത്.

ബംഗളൂരു: കര്‍ണാടകയില്‍ 224 നിയമസഭ മണ്ഡലങ്ങളിലേക്കുള്ള വോട്ടെടുപ്പില്‍ ഭേദപ്പെട്ട പോളിംഗ്. ഉച്ചയ്ക്ക് 12 വരെ 40 ശതമാനം പോളിംഗാണ് രേഖപ്പെടുത്തിയത്.

ബെല്ലാരിയിലെ കാംപ്ലി മണ്ഡലത്തിലാണ് ഏറ്റവും കൂടുതല്‍ പോളിംഗ് (50.75%) രേഖപ്പെടുത്തിയിരിക്കുന്നത്. ദക്ഷിണ കന്നഡയിലെ ബെലത്തങ്ങാടിയില്‍ (45.52%). ചാമരാജനഗറിലാണ് ഏറ്റവും കുറവ് പോളിംഗ് (10.75%). അക്രമസംഭവങ്ങള്‍ എവിടെയും റിപ്പോര്‍ട്ട് ചെയ്തിട്ടില്ല.

രാവിലെ ഏഴു മുതല്‍ വൈകുന്നേരം ആറു വരെയാണു വോട്ടെടുപ്പ്. 2615 സ്ഥാനാര്‍ഥികളാണു ജനവിധി തേടുന്നത്. ആകെ 5.3 കോടി വോട്ടര്‍മാര്‍. ശനിയാഴ്ചയാണ് വോട്ടെണ്ണല്‍. 80 വയസിനു മുകളിലുള്ളവരില്‍ 90 ശതമാനവും ഇതിനോടകം വീടുകളില്‍ വോട്ടു രേഖപ്പെടുത്തി.