ഒഡിഷയില്‍ 10 വയസുകാരനെ മുതല കടിച്ചുകൊന്നു. അഞ്ചാം ക്ലാസ് വിദ്യാര്‍ഥിയായ അശുതോഷ് ആചാര്യയാണ് മരിച്ചത്.
ഭുവനേശ്വര്‍| ഒഡിഷയില്‍ 10 വയസുകാരനെ മുതല കടിച്ചുകൊന്നു. അഞ്ചാം ക്ലാസ് വിദ്യാര്‍ഥിയായ അശുതോഷ് ആചാര്യയാണ് മരിച്ചത്.
ഒഡിഷയിലെ കേന്ദ്രപാര ജില്ലയില്‍ ഇന്നലെയാണ് സംഭവം.
കുട്ടിയുടെ മൃതദേഹം പാതി ഭക്ഷിച്ച നിലയിലാണ് കണ്ടെത്തിയതെന്നും നദിയില്‍ കുളിക്കാനിറങ്ങിയ അശുതോഷിന്റെ മേല്‍ മുതല ചാടിവീഴുകയായിരുന്നെന്നും പോലീസ് പറഞ്ഞു. ഒരു മണിക്കൂര്‍ നീണ്ട തിരച്ചിലിനൊടുവിലാണ് കുട്ടിയുടെ പകുതി ഭക്ഷിച്ച മൃതദേഹം നാട്ടുകാര്‍ കണ്ടെത്തിയതെന്നും അവര്‍ കൂട്ടിചേര്‍ത്തു.
കുട്ടിയുടെ കുടുംബത്തിന് ആറ് ലക്ഷം രൂപ സഹായധനം നല്‍കുമെന്ന് രാജ്നഗര്‍ കണ്ടല്‍ (വന്യജീവി) ഫോറസ്റ്റ് ഡിവിഷന്‍ അറിയിച്ചു.
ഭിതാര്‍കനിക ദേശീയ ഉദ്യാനവും അതിനോട് ചേര്‍ന്നുള്ള മഹാനദി ഡെല്‍റ്റൈക്ക് പ്രദേശവും 1,793 ഉപ്പുവെള്ള മുതലകളുടെ ആവാസ കേന്ദ്രമാണെന്നും ഫോറസ്റ്റ് ഡിവിഷന്‍ ഉദ്യോഗസ്ഥര്‍ പറഞ്ഞു.
