ചന്ദ്രയാൻ-3 ദൗത്യത്തിന്റെ വിജയത്തിന് ശേഷം ഐഎസ്‌ആര്‍ഒ ഇപ്പോള്‍ സൂര്യനെക്കുറിച്ചുള്ള പഠനവുമായി ബന്ധപ്പെട്ട ആദിത്യ-എല്‍1 മിഷന്റെ ഒരുക്കങ്ങളിലാണ് .
ചന്ദ്രയാൻ-3 ദൗത്യത്തിന്റെ വിജയത്തിന് ശേഷം ഐഎസ്‌ആര്‍ഒ ഇപ്പോള്‍ സൂര്യനെക്കുറിച്ചുള്ള പഠനവുമായി ബന്ധപ്പെട്ട ആദിത്യ-എല്‍1 മിഷന്റെ ഒരുക്കങ്ങളിലാണ് .
റോക്കറ്റിന്റെ വിക്ഷേപണ റിഹേഴ്സലും ആന്തരിക അന്വേഷണവും പൂര്‍ത്തിയായതായി ഐഎസ്‌ആര്‍ഒ അറിയിച്ചു.
“പിഎസ്‌എല്‍വി-സി57/ആദിത്യ-എല്‍1 ദൗത്യത്തിന്റെ വിക്ഷേപണത്തിനുള്ള ഒരുക്കങ്ങള്‍ നടന്നുകൊണ്ടിരിക്കുകയാണ്. വാഹനത്തിന്റെ വിക്ഷേപണ റിഹേഴ്സല്‍-ആന്തരിക പരിശോധന പൂര്‍ത്തിയായി” ഐഎസ്‌ആര്‍ഒ ട്വീറ്റ് ചെയ്തു . സെപ്റ്റംബര്‍ രണ്ടിന് രാവിലെ 11.50ന് ആന്ധ്രാപ്രദേശിലെ ശ്രീഹരിക്കോട്ട സ്‌പേസ് സെന്ററില്‍ നിന്നാണ് വിക്ഷേപണം. പിഎസ്‌എല്‍വി-സി57 റോക്കറ്റ് ഉപയോഗിച്ചാണ് വിക്ഷേപണം.
സൂര്യനില്‍ വിദൂര നിരീക്ഷണങ്ങള്‍ നടത്താനും ഭൂമിയില്‍ നിന്ന് ഏകദേശം 1.5 ദശലക്ഷം കിലോമീറ്റര്‍ അകലെയുള്ള എല്‍ 1 (സൂര്യൻ-ഭൂമി ലഗ്രാൻജിയൻ പോയിന്റ്) യില്‍ സൗരവാതത്തെ പഠിക്കാനുമാണ് ആദിത്യ-എല്‍1 ബഹിരാകാശ പേടകം രൂപകല്‍പ്പന ചെയ്തിരിക്കുന്നത്. സൂര്യനെക്കുറിച്ച്‌ പഠിക്കാനുള്ള ഇന്ത്യയുടെ ആദ്യ ദൗത്യമാണിത്.
‘L1’ ന് ചുറ്റുമുള്ള ഭ്രമണപഥത്തില്‍ നിന്ന് സൂര്യനെ പഠിക്കുക എന്നതാണ് ഈ ദൗത്യത്തിന്റെ ലക്ഷ്യം. ദേശീയ സ്ഥാപനങ്ങളുടെ പങ്കാളിത്തത്തോടെ തികച്ചും തദ്ദേശീയമായ ഒരു ശ്രമമാണ് ആദിത്യ-എല്‍1 എന്ന് ഐഎസ്‌ആര്‍ഒ ഉദ്യോഗസ്ഥൻ പറയുന്നു . സൂര്യന്റെ ഫോട്ടോസ്ഫിയര്‍, ക്രോമോസ്ഫിയര്‍, ഏറ്റവും പുറം പാളി – അന്തരീക്ഷം എന്നിവ വ്യത്യസ്ത തരംഗബാൻഡുകളില്‍ നിരീക്ഷിക്കാൻ ഏഴ് പേലോഡുകള്‍ ഉണ്ടായിരിക്കും.
