നെറ്റ് പരീക്ഷയുടെ തീയതി പ്രഖ്യാപിച്ച്‌ നാഷണല്‍ ടെസ്റ്റിങ് ഏജൻസി.
ന്യൂഡല്‍ഹി: നെറ്റ് പരീക്ഷയുടെ തീയതി പ്രഖ്യാപിച്ച്‌ നാഷണല്‍ ടെസ്റ്റിങ് ഏജൻസി. അടുത്ത വര്‍ഷം ജൂണ്‍ 10 മുതല്‍ 21 വരെ ആയിരിക്കും വിവിധ വിഷയങ്ങളുടെ നെറ്റ് പരീക്ഷ നടക്കുക.
നാഷണല്‍ ടെസ്റ്റിങ് ഏജൻസിയുടെ വെബ്‌സൈറ്റിലൂടെയാണ് അറിയിപ്പ് പുറത്തുവിട്ടത്. പരീക്ഷ പൂര്‍ത്തിയായ ശേഷം മൂന്നാമത്തെ ആഴ്ച ഫല പ്രഖ്യാപനം നടക്കുമെന്നും അറിയിച്ചു.
കംപ്യൂട്ടര്‍ അധിഷ്ഠിത ടെസ്റ്റ് രീതിയില്‍ ആയിരിക്കും പരീക്ഷ നടക്കുക. ജൂണിലും ഡിസംബറിലുമായി വര്‍ഷത്തില്‍ രണ്ട് തവണയാണ് യുജിസി – നെറ്റ് പരീക്ഷ നടത്തുന്നത്. ഇപ്പോള്‍ അപേക്ഷ ക്ഷണിച്ചിരിക്കുന്നത് 2024 ജൂണ്‍ മാസത്തിലെ പരീക്ഷയുടേതാണ്. വിശദവിവരങ്ങള്‍ക്ക് nta.ac.in എന്ന വെബ് സൈറ്റ് സന്ദര്‍ശിക്കാവുന്നതാണ്.
