സൗജന്യ ഭക്ഷണം ആവശ്യപ്പെട്ട് ഹോട്ടലിലെത്തിയ ആളെ അടിച്ച്‌ കൊലപ്പെടുത്തി
ചെന്നൈ: സൗജന്യ ഭക്ഷണം ആവശ്യപ്പെട്ട് ഹോട്ടലിലെത്തിയ ആളെ അടിച്ച്‌ കൊലപ്പെടുത്തി. 50-കാരനായ തിരുമലൈയാണ് ഹോട്ടല്‍ ജീവനക്കാരന്‍ മരകഷ്ണം കൊണ്ട് തലക്കടിച്ച്‌ കൊലപ്പെടുത്തിയത്.
കാഞ്ചീപുരത്തിനുസമീപം ഓരിക്കൈയിലെ ഹോട്ടലിലാണ് സംഭവം. ഹോട്ടല്‍ ജീവനക്കാരനായ രാമചന്ദ്രനെ പോലീസ് അറസ്റ്റ് ചെയ്തു.
കഴിഞ്ഞദിവസങ്ങളിലും തിരുമലൈ ഭക്ഷണം ആവശ്യപ്പെട്ട് ഹോട്ടലിലെത്തിയിരുന്നു. ബുധനാഴ്ച വൈകുന്നേരം വീണ്ടും ഭക്ഷണം ആവശ്യപ്പെട്ടെത്തിയപ്പോഴാണ് രാമചന്ദ്രന്‍ മരക്കട്ടയെടുത്ത് തിരുമലൈയെ അടിച്ചത്. തുടര്‍ന്ന് കുഴഞ്ഞുവീണ് മരിച്ചു.
ഓടിരക്ഷപ്പെടാന്‍ ശ്രമിച്ച രാമചന്ദ്രനെ നാട്ടുകാര്‍ ചേര്‍ന്ന് പിടികൂടി കാഞ്ചീപുരം താലൂക്ക് പോലീസ് സ്‌റ്റേഷനില്‍ ഏല്‍പ്പിക്കുകയായിരുന്നു. കാഞ്ചീപുരം ജില്ലാകോടതിയില്‍ ഹാജരാക്കിയ രാമചന്ദ്രനെ റിമാന്‍ഡ് ചെയ്തു.
