അയ്മനത്ത് രണ്ട് വ്യത്യസ്ത സംഭവങ്ങളിലായി രണ്ടു പേരെ നീര്‍നായ ആക്രമിച്ചു പരിക്കേല്‍പ്പിച്ചു.
അയ്മനത്ത് രണ്ട് വ്യത്യസ്ത സംഭവങ്ങളിലായി രണ്ടു പേരെ നീര്‍നായ ആക്രമിച്ചു പരിക്കേല്‍പ്പിച്ചു. മാങ്ങായില്‍ ഭാഗത്ത് മീനച്ചിലാറ്റില്‍ പഞ്ചായത്ത് കടവില്‍കുളിക്കാന്‍ ഇറങ്ങിയ കല്ലോലിപ്പറമ്ബില്‍ സുനില്‍കുമാര്‍ നീര്‍നായയുടെ ആക്രമത്തില്‍ പരിക്കേറ്റത്.
കാല്‍പാദത്തില്‍ കടിയേറ്റ് ഗുരുതരമായി സുനില്‍കുമാര്‍ കോട്ടയം മെഡിക്കല്‍ കോളജ് ആശുപത്രിയില്‍ ചികിത്സ തേടി. തൊട്ടടുത്ത മേക്കാട്ട് കടവില്‍ തുണി കഴുകി കൊണ്ടിരുന്ന ദിവാകരന്‍റെ ഭാര്യ ഓമനയെയും ആക്രമിച്ചു. ഉപ്പൂറ്റിക്ക് ഗുരുതരമായി മുറിവേറ്റു. ഓമനയും ആശുപത്രിയില്‍ ചികിത്സ തേടി. പകല്‍ സമയങ്ങളില്‍ പറമ്ബില്‍ കൂട്ടത്തോടെ കഴിയുന്ന നീര്‍നായകള്‍ കൂട്ടത്തോടെയാണ് ആക്രമിക്കുന്നതെന്ന് പ്രദേശവാസികള്‍ പറയുന്നു. വിവരം ഫോറസ്റ്റില്‍ അറിയിച്ചു നടപടി സ്വീകരിക്കുമെന്ന് പഞ്ചായത്തംഗം പ്രമോദ് തങ്കച്ചന്‍ പറഞ്ഞു.
