ഒക്ടോബര്‍ 13, വെള്ളിയാഴ്ച ദേശീയ സിനിമാ ദിനത്തില്‍ ലഭിക്കുന്നത് അടിപൊളി ഓഫര്‍.
ഒക്ടോബര്‍ 13, വെള്ളിയാഴ്ച ദേശീയ സിനിമാ ദിനത്തില്‍ ലഭിക്കുന്നത് അടിപൊളി ഓഫര്‍. വെറും 99 രൂപക്ക് ഏത് സിനിമയും കാണാമെന്നതാണ് ഇതിന്റെ ഗുണം.
സിനിമകള്‍ക്കുള്ള ടിക്കറ്റുകള്‍ ഓണ്‍ലൈനായി ബുക്ക് ചെയ്യാനും ഓഫ്‌ലൈനായി വാങ്ങാനും കഴിയും. രാജ്യമൊട്ടാകെ നാലായിരത്തോളം സ്ക്രീനുകളില്‍ ചിത്രങ്ങള്‍ കാണാം. ബുക്ക് മൈ ഷോ, പേടിഎം തുടങ്ങിയ ആപ്പുകളില്‍ ഓഫര്‍ തുകക്ക് ടിക്കറ്റ് ലഭ്യമാക്കി തുടങ്ങി. ബുക്കിങ് ആപ്പുകളില്‍ 99 ന് പുറമേ മറ്റ് ചാര്‍ജുകള്‍ ഉള്ളത് ഈടാക്കും.
എന്നാല്‍ തിയേറ്ററുകളിലെ കൗണ്ടറില്‍ നിന്ന് വാങ്ങുമ്ബോള്‍ 99 രൂപയ്ക്ക് തന്നെ ടിക്കറ്റ് ലഭ്യമാകും. ഐമാക്സ് പോലുള്ള പ്രീമിയം വിഭാഗത്തിന് ഈ ഓഫര്‍ ലഭ്യമല്ല. സിനിമാ വ്യവസായത്തിന് ഉണര്‍വ് പകരാനാണ് ഇതിലൂടെ ശ്രമിക്കുന്നത്. വൻ തിരക്കാണ് 99 രൂപക്ക് ചിത്രങ്ങള്‍ കാണാം എന്ന ഓഫര്‍ വന്നതോടെ അനുഭവപ്പെടുന്നത്.
