ബോളിവുഡ് സൂപ്പര്‍ താരം ഷാരൂഖ് ഖാന്റെ 58-ാം ജന്മദിനത്തില്‍ ആശംസകള്‍ അറിയിക്കാൻ അദ്ദേഹത്തിന്റെ വസതിയായ മന്നത്തിന് പുറത്ത് തടിച്ചുകൂടിയ വ്യക്തികളില്‍ നിന്ന് മോഷ്ടിച്ച ഫോണുകളുടെ എണ്ണവുമായി ബാന്ദ്ര പോലീസ്.
ബോളിവുഡ് സൂപ്പര്‍ താരം ഷാരൂഖ് ഖാന്റെ 58-ാം ജന്മദിനത്തില്‍ ആശംസകള്‍ അറിയിക്കാൻ അദ്ദേഹത്തിന്റെ വസതിയായ മന്നത്തിന് പുറത്ത് തടിച്ചുകൂടിയ വ്യക്തികളില്‍ നിന്ന് മോഷ്ടിച്ച ഫോണുകളുടെ എണ്ണവുമായി ബാന്ദ്ര പോലീസ്.
17 ഫോണുകളാണ് ഇത്തരത്തില്‍ മോഷണം പോയിരിക്കുന്നത്.
ഷാരൂഖ് ആരാധകരുടെ പിറന്നാള്‍ ദിനത്തില്‍ നടന്റെ വീടായ മന്നത്തിന് പുറത്ത് താരത്തെ ഒരു നോക്ക്‌ കാണാൻ ശ്രമിക്കുന്നതിനിടെയാണ്‌ ദാരുണ സംഭവം. ഇത്തരത്തില്‍ 23 കാരനായ ഫോട്ടോഗ്രാഫറാണ് ആദ്യ പരാതി നല്‍കിയതെന്ന് ഉദ്യോഗസ്ഥര്‍ പറഞ്ഞു. മന്നത്തിന് പുറത്ത് താരത്തെ കാണാനായി കാത്തിരിക്കുകയായിരുന്നു, പുലര്‍ച്ചെയാണ് പോക്കറ്റില്‍ സൂക്ഷിച്ചിരുന്ന മൊബൈല്‍ ഫോണ്‍ നഷ്ടപ്പെട്ടതായി മനസിലായതെന്ന് പരാതിക്കാരൻ.
താരത്തിന്റെ കൂടുതല്‍ ആരാധകര്‍ സമാനമായ പരാതിയുമായി എത്തിയിരുന്നതായി പോലീസ് വ്യക്തമാക്കി. എല്ലാ വര്‍ഷവും, നവംബര്‍ 2 ന് ഷാരൂഖ് ഖാന്റെ ജന്മദിനത്തില്‍ അദ്ദേഹത്തിന് ആശംസകള്‍ അറിയിക്കാൻ നൂറുകണക്കിന് ആരാധകരാണ് ഷാരൂഖിന്റെ ബംഗ്ലാവിന് പുറത്ത് എത്തുന്നത്. സുരക്ഷാ ക്രമീകരണങ്ങളുണ്ടായിട്ടും ജനക്കൂട്ടത്തെ മുതലെടുത്ത് മോഷ്ടാക്കള്‍ ഫോണുകള്‍ മോഷ്ടിക്കുകയായിരുന്നുവെന്ന് ഉദ്യോഗസ്ഥര്‍ പറഞ്ഞു.
