ഒരേസമയം 22 ലക്ഷം ദീപങ്ങള്‍ പ്രകാശിപ്പിച്ച്‌ അയോധ്യയിലെ ദീപോത്സവം ഗിന്നസ് വേള്‍ഡ് റെക്കോര്‍ഡില്‍ ഇടം നേടി.
ഒരേസമയം 22 ലക്ഷം ദീപങ്ങള്‍ പ്രകാശിപ്പിച്ച്‌ അയോധ്യയിലെ ദീപോത്സവം ഗിന്നസ് വേള്‍ഡ് റെക്കോര്‍ഡില്‍ ഇടം നേടി. നഗരത്തിലെ 51 ഇടങ്ങളിലായി 22 ലക്ഷത്തിലധികം ദീപങ്ങളാണ് അയോധ്യയില്‍ ദീപാവലി ദിനമായ ഇന്നലെ തെളിഞ്ഞത്.
ദീപോത്സവത്തില്‍ ഗവര്‍ണര്‍ ആനന്ദീബൻ പട്ടേല്‍, മുഖ്യമന്ത്രി യോഗി ആദിത്യനാഥ് എന്നിവരുള്‍പ്പെടെയുള്ള പ്രമുഖരും പങ്കെടുത്തു. യോഗി ആദിത്യനാഥ്സര്‍ക്കാര്‍ അധികാരത്തില്‍ വന്നതിനുശേഷം 2017 മുതല്‍ ആരംഭിച്ച ദീപോത്സവത്തിന്റെ ഏഴാം പതിപ്പായിരുന്നു ഇക്കൊല്ലം നടന്നത്. ഓരോ വര്‍ഷവും പുതിയ ലോക റെക്കോര്‍ഡില്‍ ലേക്ക് എത്തുകയാണ് യുപി സര്‍ക്കാര്‍ സംഘടിപ്പിക്കുന്ന അയോധ്യയിലെ ദീപോത്സവം.
