മകരവിളക്ക്‌ തീര്‍ഥാടനകാലം പൂര്‍ത്തിയാക്കി ശബരിമല സന്നിധാനം 21നു രാവിലെ ആറിന്‌ അടയ്‌ക്കും.
ശബരിമല: മകരവിളക്ക്‌ തീര്‍ഥാടനകാലം പൂര്‍ത്തിയാക്കി ശബരിമല സന്നിധാനം 21നു രാവിലെ ആറിന്‌ അടയ്‌ക്കും. നാളെ രാത്രി 10 വരെമാത്രമേ ഭക്‌തര്‍ക്ക്‌ അയ്യപ്പദര്‍ശനത്തിനു സൗകര്യമുണ്ടാകൂ.21നു ഭക്‌തരെ ശബരിമലയിലേക്കു പ്രവേശിപ്പിക്കില്ല.
ഇന്നു രാവിലെ ഒന്‍പതു വരെമാത്രമായിരിക്കും നെയ്യഭിഷേകം. രാത്രി അത്താഴപൂജയ്‌ക്കുശേഷം മാളികപ്പുറത്തെ മണിമണ്‌ഠപത്തില്‍നിന്നു ശരംകുത്തിയിലേക്കുള്ള അയ്യപ്പന്റെ എഴുന്നള്ളത്ത്‌ നടക്കും.
നാളെ അത്താഴപൂജ കഴിഞ്ഞു ഹരിവരാസനം പാടി നടയടച്ചാല്‍ ഉടന്‍ മാളികപ്പുറം ക്ഷേത്രത്തില്‍ ഗുരുതി നടക്കും. 21നു പുലര്‍ച്ചെ അഞ്ചിനു നട തുറക്കും. 5.30നു തിരുവാഭരണം തിരിച്ചെഴുന്നള്ളത്ത്‌ ആരംഭിക്കും. ആറിനു നടയടയ്‌ക്കുന്നതോടെ മകരവിളക്ക്‌ ഉത്സവത്തിനു പരിസമാപ്‌തിയാകും.
