ഛത്തീസ്ഗഡില്‍ മാവോവാദികളുമായുള്ള ഏറ്റമുട്ടലില്‍ മൂന്നു ജവാന്മാർക്ക് വീരമൃത്യു. 14 പേർക്ക് പരിക്കേറ്റു.
തെകല്‍ഗുദിയാം: ഛത്തീസ്ഗഡില്‍ മാവോവാദികളുമായുള്ള ഏറ്റമുട്ടലില്‍ മൂന്നു ജവാന്മാർക്ക് വീരമൃത്യു. 14 പേർക്ക് പരിക്കേറ്റു.
സി.ആർ.പി.എഫ് ജവാന്മാരാണ് കൊല്ലപ്പെട്ടത്.
ബീജാപൂർ-സുഖ്മ ജില്ലകളുടെ അതിർത്തിയില്‍ ജോനഗുഡക്കും അലിഗുഡക്കും സമീപമാണ് ഏറ്റുമുട്ടല്‍ നടന്നത്. തെകല്‍ഗുദിയാം ഗ്രാമത്തില്‍ തിരച്ചില്‍ നടത്തിയിരുന്ന ജവാന്മാർക്ക് നേരെ മാവോവാദികള്‍ വെടിയുതിർക്കുകയായിരുന്നു.
ഉച്ചക്ക് ഒരു മണിക്കാണ് ഏറ്റുമുട്ടല്‍ ആരംഭിച്ചത്. സി.ആർ.പി.എഫിന്‍റെ 201-ാം കോബ്ര ബറ്റാലിയനും 150-ാം ബറ്റാലിയനുമാണ് പ്രദേശത്ത് തിരച്ചില്‍ നടത്തിയത്.
