തിരുവല്ല: തിരുവല്ലയില്‍ നിന്ന് കാണാതായ ഒമ്ബതാം ക്ലാസ് വിദ്യാർത്ഥിനിയെ കണ്ടെത്തി. പുലർച്ചെ നാലരയോടെ പെണ്‍കുട്ടി തിരുവല്ല പോലീസ് സ്റ്റേഷനില്‍ എത്തുകയായിരുന്നു.
പെണ്‍കുട്ടിയെ സ്റ്റേഷനലില്‍ എത്തിച്ച്‌ മുങ്ങിയ രണ്ട് യുവാക്കളെ പോലീസ് പിടികൂടി. തൃശ്ശൂർ സ്വദേശികളായ അതുല്‍, അജില്‍ എന്നിവരാണ് പിടിയില്‍ ആയത്. ഇവരെ ഒരാളെ പോലീസ് പിന്തുടർന്ന് ബസ്സില്‍ നിന്ന് പിടികൂടുകയായിരുന്നു.
ഇന്നലെ പെണ്‍കുട്ടിയുടെയും ഒപ്പം ഉണ്ടായിരുന്നവരുടെയും സി സി ടിവി ദൃശ്യങ്ങള്‍ ഉള്‍പ്പെടെ പോലീസ് പുറത്തുവിട്ടിരുന്നു. ഇതിന് പിന്നാലെയാണ് കുട്ടിയെ ഒപ്പം ഉണ്ടായിരുന്നവർ പോലീസ് സ്റ്റേഷനിലേക്ക് എത്തിച്ചത്. വെള്ളിയാഴ്ച രാവിലെ സ്കൂളിലേക്ക് പോകുന്നെന്ന് പറഞ്ഞ് ഇറങ്ങിയതായിരുന്നു പെണ്‍കുട്ടി. പിന്നീട് കാണാതാവുകയായിരുന്നു.
