തമിഴ്നാട്ടിലെ പുതുക്കോട്ടയില്‍ ചായക്കടയിലേക്കു ലോറി പാഞ്ഞുകയറിയുണ്ടായ അപകടത്തില്‍ ഒരു സ്ത്രീ ഉള്‍പ്പെടെ അഞ്ച് ശബരിമല തീര്‍ഥാടകര്‍ക്കു ദാരുണാന്ത്യം.
തമിഴ്നാട്ടിലെ പുതുക്കോട്ടയില്‍ ചായക്കടയിലേക്കു ലോറി പാഞ്ഞുകയറിയുണ്ടായ അപകടത്തില്‍ ഒരു സ്ത്രീ ഉള്‍പ്പെടെ അഞ്ച് ശബരിമല തീര്‍ഥാടകര്‍ക്കു ദാരുണാന്ത്യം.
ട്രിച്ചി-രാമേശ്വരം ദേശീയപാതയില്‍ നമനസമുദ്രം പോലീസ് സ്‌റ്റേഷന്‍റെ എതിര്‍വശത്ത് ഇന്നു പുലര്‍ച്ചെയാണ് അപകടമുണ്ടായത്‌. പുതുക്കോട്ടയില്‍നിന്ന് അരിയാലൂരിലേക്ക് പോവുകയായിരുന്ന സിമന്‍റ് ലോറി നിയന്ത്രണം വിട്ട് ചായക്കടയിലേക്കു പാഞ്ഞുകയറുകയും സമീപത്തുണ്ടായിരുന്ന കാറിലും വാനിലും ഇടിക്കുകയുമായിരുന്നു.
ചായക്കടയില്‍ ഭക്ഷണം കഴിക്കുകയും വാഹനത്തിലിരിക്കുകയുമായിരുന്ന തീര്‍ഥാടകരാണ് അപകടത്തില്‍പ്പെട്ടത്. 19 പേര്‍ക്കു പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചു. തിരുവള്ളൂര്‍ സ്വദേശികളാണ് അപകടത്തില്‍ മരിച്ചത്.
മൂന്ന് വാഹനങ്ങളിലായാണ് ഇവര്‍ സഞ്ചരിച്ചിരുന്നത്. അഞ്ചു പേരും സംഭവസ്ഥലത്തുതന്നെ മരിച്ചതായാണ് റിപ്പോര്‍ട്ട്. മൃതദേഹങ്ങള്‍ ആശുപത്രിയിലേക്ക് മാറ്റി. സംഭവത്തില്‍ പോലീസ് അന്വേഷണം ആരംഭിച്ചു.
