ജമ്മുകാഷ്മീരില്‍ ബസ് മറിഞ്ഞ് ഏഴ് പേർ മരിച്ചു.
ശ്രീനഗർ: ജമ്മുകാഷ്മീരില്‍ ബസ് മറിഞ്ഞ് ഏഴ് പേർ മരിച്ചു. വടക്കൻ കാഷ്മീർ ജില്ലയിലെ ഉറിയിലെ ബോനിയാർ പ്രദേശത്ത് ആണ് അപകടം സംഭവിച്ചത്.
ബസ് താഴ്ചയിലേക്ക് മറിഞ്ഞതാണ് അപകടകാരണം. അപകടത്തില്‍ ഏഴ് പേർ മരിക്കുകയും ഏഴ് പേർക്ക് പരിക്കേല്‍ക്കുകയും ചെയ്തതായി സീനിയർ സൂപ്രണ്ട് ഓഫ് പോലീസ് (എസ്‌എസ്പി), ട്രാഫിക് റൂറല്‍ കാഷ്മീർ രവീന്ദർ പോള്‍ സിംഗ് പിടിഐയോട് പറഞ്ഞു.
ജമ്മു കാഷ്മീർ ലെഫ്റ്റനന്‍റ് ഗവർണർ മനോജ് സിൻഹ ദുഃഖം രേഖപ്പെടുത്തുകയും ദുരന്തബാധിതരായ കുടുംബങ്ങള്‍ക്ക് നഷ്ടപരിഹാരം പ്രഖ്യാപിക്കുകയും ചെയ്തു.
