ഗര്‍ഭിണിയായ യുവതിയെ ആക്രമിക്കാൻ ശ്രമിച്ചയാള്‍ അറസ്റ്റില്‍
തിരുവനന്തപുരം: ഗര്‍ഭിണിയായ യുവതിയെ ആക്രമിക്കാൻ ശ്രമിച്ചയാള്‍ അറസ്റ്റില്‍. പുതിയതുറ സ്വദേശി ടൈറ്റസിനെയാണ് പോലീസ് പിടികൂടിയത്.
സംഭവത്തില്‍ യുവതി പോലീസില്‍ പരാതി നല്‍കിയിരുന്നു. തമ്ബാനൂര്‍ പോലീസാണ് ഇയാളെ അറസ്റ്റ് ചെയ്തത്.
കഴിഞ്ഞ ദിവസമാണ് തലസ്ഥാനത്ത് റോഡരികിലൂടെ നടന്നു പോവുകയായിരുന്ന ഗര്‍ഭിണിയായ യുവതിക്ക് നേരെ ആക്രമണമുണ്ടായത്. തമ്ബാനൂരിലാണ് സംഭവം നടന്നത്. യുവതിയെ കടന്നുപിടിച്ച ശേഷം ടൈറ്റസ് ഓടി രക്ഷപ്പെടുകയായിരുന്നു.
കഴിഞ്ഞ ദിവസം രാവിലെ 10.30 ഓടെയായിരുന്നു സംഭവം നടന്നത്. നെടുമങ്ങാട് സ്വദേശിനിയായ യുവതി ജോലി ചെയ്യുന്ന സ്ഥാപനത്തിലേക്ക് പോകാനായി ബസ് കയറാന്‍ നടക്കുന്നതിനിടെയാണ് അക്രമം നടന്നത്.
