തിരുവനന്തപുരം : വഴയിലയിൽ ബൈക്ക് അപകടത്തിൽ മൂന്ന് വിദ്യാർഥികൾ മരിച്ചു.നെടുമങ്ങാട് സ്വദേശികളായ ബിനീഷ്(16) സ്റ്റെഫിൻ(16) മുല്ലപ്പൻ(16) എന്നിവരാണ് മരിച്ചത്. വഴയില പെട്രോൾ പമ്പിനു സമീപമാണ് അപകടമുണ്ടായത്. ബൈക്ക് നിയന്ത്രണം വിട്ട് മരത്തിലിടിക്കുകയായിരുന്നൂ. ഒരു ബൈക്കിൽ പ്ലസ് വൺ വിദ്യാർത്ഥികളായ മൂന്നുപേർ സഞ്ചരിക്കവെയാണ് നിയന്ത്രണം നഷ്ടപ്പെട്ട് അപകടമുണ്ടായത്.
ബൈക്ക് നിയന്ത്രണം വിട്ട് മരത്തിലേക്ക് ഇടിച്ചു കയറുന്നത് സിസിടിവി ദൃശ്യങ്ങളിൽ വ്യക്തമാണ്. അപകടത്തിന് കാരണം അമിതവേഗമെന്നത് വ്യക്തമാണ്. നിയന്ത്രണം വിട്ട ബൈക്ക് റോഡിൽ നിന്ന് പാളി കുറ്റിക്കാറ്റിലേക്ക് കയറി മരത്തിൽ ഇടിച്ചുകയറുകയായിരുന്നു.
ബിനീഷും മുല്ലപ്പനും നെടുമങ്ങാട് പോയി സ്റ്റെഫിനെ കൂടി ബൈക്കിൽ മടങ്ങുന്നതിനിടെയാണ് അപകടമെന്നാണ് സൂചന. പരിക്കേറ്റ മൂന്നുപേരെയും മെഡിക്കൽ കോളജ് ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹങ്ങൾ തിരുവനന്തപുരം മെഡിക്കൽ കോളജ് മോർച്ചറിയിൽ സൂക്ഷിച്ചിരിക്കുകയാണ്.
