പ്രമുഖ കാര്‍ട്ടൂണിസ്റ്റ് അജിത് നൈനാന്‍ അന്തരിച്ചു. 68 വയസ്സായിരുന്നു.
മൈസൂരു: പ്രമുഖ കാര്‍ട്ടൂണിസ്റ്റ് അജിത് നൈനാന്‍ അന്തരിച്ചു. 68 വയസ്സായിരുന്നു. ഹൃദയാഘാതമാണ് മരണകാരണമെന്ന് കുടുംബ വൃത്തങ്ങളെ ഉദ്ധരിച്ചുകൊണ്ടുള്ള റിപ്പോര്‍ട്ടുകളില്‍ പറയുന്നു.
ഇന്ത്യ ടുഡേയിലെ സെന്റര്‍‌സ്റ്റേജ്, ടൈംസ് ഒഫ് ഇന്ത്യയിലെ നൈനാന്‍സ് വേള്‍ഡ് എന്നിവ ഏറെ പ്രസിദ്ധമായ കാര്‍ട്ടൂണ്‍ പംക്തികളാണ്. ബാല മാസികയായ ടാര്‍ഗറ്റില്‍ വരച്ച ഡിറ്റക്ടിവ് മൂച്വാല ഏറെ ജനകീയമായിരുന്നു.
രണ്ടു വര്‍ഷമായി മൈസൂരുവില്‍ താമസിക്കുന്ന അജിത് നൈനാന്‍ വീട്ടില്‍ ഒറ്റയ്ക്കായിരുന്നു. ഭാര്യ മകള്‍ക്കൊപ്പം ഗോവയിലാണ്.
