കരിങ്കരപ്പുള്ളിയില്‍ രണ്ട് മൃതദേഹങ്ങള്‍ കുഴിച്ചിട്ട നിലയില്‍ കണ്ടെത്തി.
പാലക്കാട്: കരിങ്കരപ്പുള്ളിയില്‍ രണ്ട് മൃതദേഹങ്ങള്‍ കുഴിച്ചിട്ട നിലയില്‍ കണ്ടെത്തി. ഒഴിഞ്ഞ് കിടക്കുന്ന പാടത്താണ് മൃതദേഹം കണ്ടെത്തിയത്.
പ്രദേശത്ത് നിന്നും രണ്ടു യുവാക്കളെ കാണാതായിരുന്നു. ഇന്നലെ രാവിലെ മുതലാണ് ഇരുവരെയും കാണാതായത്. സതീഷ്, ഷിജിത്ത് എന്നിവരെയാണ് കാണാതായത്.
പ്രദേശത്ത് സംഘര്‍ഷം നടന്നതായും ഇതുമായി ബന്ധപ്പെട്ട് പൊലീസ് നടത്തിയ അന്വേഷണത്തിനൊടുവിലാണ് വയലില്‍ മൃതദേഹങ്ങള്‍ കുഴിച്ചിട്ടിരിക്കുന്നതായി മനസിലാക്കിയത്. കാലുകളാണ് ആദ്യം പൊലീസിെൻറ ശ്രദ്ധയില്‍പ്പെട്ടത്. കാണാതായവരുടെ മൃതദേഹമാണിതെന്ന സംശയമാണിപ്പോഴുള്ളത്. മൃതദേഹം പുറത്തെടുക്കാനുള്ള ശ്രമം ആരംഭിച്ചിരിക്കുകയാണ്.
