ന്യൂഡല്‍ഹി : ഇസ്രായേല്‍-ഹമാസ് സംഘര്‍ഷം രൂക്ഷമായി തുടരുന്ന സാഹചര്യത്തില്‍ ന്യൂഡല്‍ഹിയിലെ ഇസ്രായേല്‍ എംബസിക്ക് കനത്ത സുരക്ഷയൊരുക്കി ഡല്‍ഹി പോലീസ്.
എംബസിയുടെയും ഇസ്രായേല്‍ അംബാസഡറുടെ ഔദ്യോഗിക വസതിയുടെയും സുരക്ഷയാണ് വര്‍ധിപ്പിച്ചിരിക്കുന്നത്.ചാന്ദ്നി ചൗക്കിലെ ജൂതന്മാരുടെ ആരാധനാലയമായ ചബാദ് ഹൗസിന് സമീപവും സുരക്ഷ ശക്തമാക്കി. അംബാസഡര്‍ നയോര്‍ ഗിലോണിന്റെ ഔദ്യോഗിക വസതിക്ക് പുറത്ത് കൂടുതല്‍ പോലീസ് വാഹനങ്ങള്‍ വിന്യസിച്ചു. യുദ്ധം തുടരുന്ന സാഹചര്യത്തില്‍ എംബസിക്ക് മുന്നില്‍ പ്രതിഷേധ പ്രകടനങ്ങള്‍ ഉള്‍പ്പെടെ ഉണ്ടായേക്കുമെന്ന സൂചന മുന്നില്‍ക്കണ്ടാണ് നടപടി
