ന്യൂഡല്‍ഹി: ഡല്‍ഹി പൊലീസ് കോണ്‍സ്റ്റബിള്‍ (എക്‌സിക്യുട്ടീവ്) പരീക്ഷക്ക് ഓണ്‍ലൈനായി സ്റ്റാഫ് സെലക്ഷൻ കമീഷൻ അപേക്ഷ ക്ഷണിച്ചു.
പുരുഷൻമാര്‍ക്ക് 5056 ഉം വനിതകള്‍ക്ക് 2491 ഒഴിവുകളുമാണുള്ളത്. കമ്ബ്യൂട്ടറധിഷ്ഠിത പരീക്ഷ 2023 നവംബര്‍ 14 മുതല്‍ 2023 ഡിസംബര്‍ 15 വരെ വിവിധ ഘട്ടങ്ങളിലായി നടക്കും. പരീക്ഷാ തീയതി ഔദ്യോഗിക വൈബ്സൈറ്റായ https://ssc.nic.in ല്‍ പ്രസിദ്ധീകരിക്കും. സെപ്റ്റംബര്‍ 30 വരെ അപേക്ഷ സമര്‍പ്പിക്കാം. 100 രൂപയാണ് അപേക്ഷ ഫീസ്. വനിതകള്‍ക്കും എസ് സി, എസ് ടി വിഭാഗത്തില്‍പ്പെട്ടവര്‍ക്കും വിമുക്ത ഭടന്മാര്‍ക്കും അപേക്ഷാ ഫീസില്ല. യോഗ്യത, പരീക്ഷ സംബന്ധിച്ച വിശദ വിവരങ്ങള്‍ക്ക് https://ssc.nic.in, www.ssckkr.kar.nic.in എന്നീ വെബ്സൈറ്റുകളില്‍ 2023 സെപ്റ്റംബര്‍ ഒന്നിന് പ്രസിദ്ധീകരിച്ച വിജ്ഞാപനം കാണുക
