കര്‍ണാടകയില്‍ കോണ്‍ഗ്രസ് തന്നെ ഭൂരിപക്ഷം നേടുമെന്ന് സംസ്ഥാന അധ്യക്ഷന്‍ ഡികെ ശിവകുമാര്‍. ആദ്യമേ പറയട്ടെ, എക്‌സിറ്റ് പോളുകളുടെ ഈ സീറ്റ് നിലയില്‍ എനിക്ക് വിശ്വാസമില്ല.
ബെംഗളൂരു: കര്‍ണാടകയില്‍ കോണ്‍ഗ്രസ് തന്നെ ഭൂരിപക്ഷം നേടുമെന്ന് സംസ്ഥാന അധ്യക്ഷന്‍ ഡികെ ശിവകുമാര്‍. ആദ്യമേ പറയട്ടെ, എക്‌സിറ്റ് പോളുകളുടെ ഈ സീറ്റ് നിലയില്‍ എനിക്ക് വിശ്വാസമില്ല.
കോണ്‍ഗ്രസ് 146 സീറ്റില്‍ അധികം നേടുമെന്ന് ഞാന്‍ നേരത്തെ പറഞ്ഞിരുന്നു. അതില്‍ ഉറച്ച്‌ നില്‍ക്കുന്നു.ജനങ്ങള്‍ നല്ല വിദ്യാഭ്യാസമുള്ളവരാണ്.
അവര്‍ വലിയ താല്‍പര്യങ്ങള്‍ക്കാണ് പ്രാധാന്യം നല്‍കുന്നത്. ഡബിള്‍ എഞ്ചിന്‍ സര്‍ക്കാര്‍ സംസ്ഥാനത്ത് പരാജയപ്പെട്ടിരിക്കുകയാണ്. മറ്റേതെങ്കിലും പാര്‍ട്ടിയുമായി സഖ്യമുണ്ടാക്കേണ്ട സാഹചര്യം വരില്ലെന്നും ഡികെ ശിവകുമാര്‍ വ്യക്തമാക്കി. നേരത്തെ ജെഡിഎസ്സുമായി സഖ്യമുണ്ടാക്കില്ലെന്ന് ശിവകുമാര്‍ ആവര്‍ത്തിച്ചിരുന്നു.
അതേസമയം കോണ്‍ഗ്രസിന് ഭൂരിപക്ഷം ഉറപ്പായും ലഭിക്കുമെന്ന് മുന്‍ മുഖ്യമന്ത്രി കൂടിയായ ജഗദീഷ് ഷെട്ടാര്‍ വ്യക്തമാക്കി. എക്‌സിറ്റ് പോള്‍ പ്രകാരം കോണ്‍ഗ്രസാണ് ഏറ്റവും വലിയ ഒറ്റകക്ഷി. ഒരു പാര്‍ട്ടിയുമായും സഖ്യമുണ്ടാക്കുന്ന കാര്യം വരുന്നേയില്ല. ജെഡിഎസ്സുമായി എന്തായാലും സഖ്യമുണ്ടാക്കില്ലെന്നും ഷെട്ടാര്‍ വ്യക്തമാക്കി.
