മരത്തിന് മുകളില്‍ സ്വപ്‌നഭവനം നിര്‍മ്മിച്ച് ഫുസാറാം

15 അടി ഉയരമുള്ള കരിവേലം മരത്തിന്റെ മുകളില്‍ തന്റെ സ്വപ്‌നഭവനം നിര്‍മ്മിച്ച് വ്യത്യസ്ഥനാവുകയാണ് ഫുസാറാം നായക്, രാജസ്ഥാന്‍ സ്വദേശിയാണ് ഇദ്ദേഹം. 3 വര്‍ഷമെടുത്താണ് ഈ സ്വപ്‌നഭവനത്തിന്റെ പണി പൂര്‍ത്തീകരിച്ചിരിക്കുന്നത്.

എല്ലാത്തരം സൗകര്യങ്ങളും വീടിനുള്ളിലുണ്ട്. ജനലുകളും വാതിലുകളും സജ്ജീകരിച്ചിട്ടുണ്ട്. തറ ചാണകം കൊണ്ട് മെഴുകിയതാണ്. കരിവേലം മരത്തിൽ നിറയെ മുള്ളുകളായിരിക്കും. ദിവസവും മുള്ളുകൾ വെട്ടി ഒരുക്കിയാണ് കുടിലിന്റെ ആകൃതി നൽകാൻ ഫുസാറാമിന് സാധിച്ചത്.

ഒരേസമയം 6 പേർക്ക് താമസിക്കാൻ കഴിയുന്ന തരത്തിലാണ് കുടിലിന്റെ നിർമാണം. അഞ്ചു വര്ഷം മുൻപാണ് ഇത്തരമൊരു ആശയത്തെ ഫുസാറാമിന് മനസിൽ തോന്നിയത്. വിദേശത്തുള്ള ട്രീ ഹൗസുകൾ മാതൃകയാക്കിയാണ് ഫുസാറാം തന്റെ സ്വപ്ന ഭവനം നിർമിച്ചത്.