രാഷ്ട്രീയ ഏകതാ ദിവസ് ദിനാചരണവുമായി ബന്ധപ്പെട്ട് പോലീസ് ട്രെയിനിങ് കോളേജിന്‍റെ നേതൃത്വത്തില്‍ സംഘടിപ്പിച്ച കൂട്ടയോട്ടം പോലീസ് ട്രെയിനിങ് കോളേജ് പ്രിന്‍സിപ്പല്‍ കിരണ്‍ നാരായണ്‍ കവടിയാര്‍ സ്ക്വയറില്‍ ഫ്ളാഗ് ഓഫ് ചെയ്തു.
തൈക്കാട് പോലീസ് ട്രെയിനിങ് കോളേജില്‍ അവസാനിച്ച കൂട്ടയോട്ടത്തില്‍ എസ്.പിമാരായ നവനീത് ശര്‍മ്മ, ആര്‍.വിശ്വനാഥ്, നിഥിന്‍ രാജ്, പോലീസ് ട്രെയിനിങ് കോളേജ് വൈസ് പ്രിന്‍സിപ്പല്‍ അനില്‍ ശ്രീനിവാസ് എന്നിവരും മറ്റ് പോലീസ് ഉദ്യോഗസ്ഥരും ഉള്‍പ്പെടെ ഇരുന്നൂറോളം പേര്‍ പങ്കെടുത്തു.
