ആറ്റുകാല്‍ പൊങ്കാലയ്ക്ക് മണിക്കൂറുകള് മാത്രം ശേഷിക്കെ ഭക്തിസാന്ദ്രമായി തലസ്ഥാനനഗരി.
രാവിലെ മുതല്‍ ക്ഷേത്ര ദർശനത്തിന് ഭക്തരുടെ നീണ്ട നിരയാണ്. ദിവസങ്ങള്‍ക്ക് മുന്നെ പൊങ്കാല നിവേദ്യം ഒരുക്കാന് സ്ഥലം കണ്ടെത്തി കാത്തിരിക്കുന്നവരാണ് പലരും.
രാവിലെ 10.30നാണ് ക്ഷേത്രത്തിലെ പണ്ടാര അടുപ്പില്‍ തീപകരുക. ഉച്ചയ്ക്ക് രണ്ടര മണിക്ക് പൊങ്കാല നിവേദ്യം അർപ്പിക്കും. സുരക്ഷയ്ക്കായി നഗരത്തിലുടനീളം കനത്ത പൊലീസ് വിന്യാസമൊരുക്കിയിട്ടുണ്ട്. ഇന്ന് മുതല്‍ നാളെ രാത്രി എട്ട് മണി വരെ നഗരത്തില്‍ ഗതാഗത നിയന്ത്രണവുമുണ്ട്. ഞായറാഴ്ച ആയതിനാല് മുന്വർഷത്തേക്കാളെറെ തിരക്ക് ഇത്തവണ പ്രതീക്ഷിക്കുന്നുണ്ട്.
ക്ഷേത്രത്തിന് സമീപത്ത് വാഹന പാര്ക്കിങ് നിരോധിച്ചിരിക്കുകയാണ്. റെയില്വെയും കെ.എസ്.ആര്.ടി.സിയും പൊങ്കാലയോട് അനുബന്ധിച്ച്‌ പ്രത്യേകം സര്വ്വീസ് നടത്തും. സംസ്ഥാനത്ത് ചൂട് കനത്ത സാഹചര്യത്തില് ആരോഗ്യ വിഭാഗം ജാഗ്രതാ നിര്ദേശം പുറപ്പെടുവിച്ചിട്ടുണ്ട്.
