പ്രശസ്ത കെ-പോപ്പ് ഗായിക നഹീ 24-ാം വയസ്സില്‍ ദുരൂഹ സാഹചര്യത്തില്‍ മരിച്ച നിലയില്‍
പ്രശസ്ത കെ-പോപ്പ് ഗായിക നഹീ 24-ാം വയസ്സില്‍ ദുരൂഹ സാഹചര്യത്തില്‍ മരിച്ച നിലയില്‍. മരണകാരണം അജ്ഞാതമായി തുടരുകയാണ്.
തങ്ങളുടെ പ്രിയ താരത്തിന്റെ ദാരുണമായ വിയോഗത്തില്‍ ദുഃഖിക്കുകയും അനുശോചനം അറിയിക്കുകയും ചെയ്തിരിക്കുകയാണ് നാഹിയുടെ ആരാധകര്‍.
എന്നാല്‍ നഹീയുടെ മരണകാരണം സംബന്ധിച്ച്‌ താരത്തിന്റെ ഏജൻസിയോ കുടുംബമോ ഔദ്യോഗിക പ്രസ്താവന ഇറക്കിയിട്ടില്ല. മരണകാരണം അജ്ഞാതമായി തുടരുമ്ബോള്‍, ആത്മഹത്യയെക്കുറിച്ചുള്ള ഊഹാപോഹങ്ങള്‍ കൂടി ഉയര്‍ന്ന് കേള്‍ക്കുന്നുണ്ട്.
മരിക്കുന്നതിന് ഏതാനും മണിക്കൂറുകള്‍ക്ക് മുമ്ബ് താരം തന്റെ പുത്തൻ ചിത്രം സമൂഹ മാധ്യമത്തില്‍ പങ്കുവച്ചിരുന്നു. ദിനംപ്രതി കെ പോപ് താരങ്ങളുടെ മരണ വാര്‍ത്തകളാണ് പുറത്തെത്തുന്നത്. തങ്ങളുടെ പ്രിയ താരത്തിന്റെ മരണകാരണം അറിയണമെന്ന് ആവശ്യപ്പെട്ടിരിക്കുകയാണ് നാഹിയുടെ ആരാധകര്‍.
