ഫിഡെ ലോകകപ്പ് ചെസ് പുരുഷ വിഭാഗത്തില്‍ ഇന്ത്യയുടെ ആര്‍. പ്രഗ്നാനന്ദ ഫൈനലില്‍.
ബാക്കു (അസര്‍ബൈജാൻ): ഫിഡെ ലോകകപ്പ് ചെസ് പുരുഷ വിഭാഗത്തില്‍ ഇന്ത്യയുടെ ആര്‍. പ്രഗ്നാനന്ദ ഫൈനലില്‍. സെമിയില്‍ അമേരിക്കയുടെ ഫാബിനൊ കരുവാനയെ ടൈബ്രേക്കറിലൂടെ കീഴടക്കിയാണ് പതിനെട്ടുകാരനായ പ്രഗ്നാനന്ദ ഫൈനലില്‍ ഇടംനേടിയത്.
ഫൈനലില്‍ ലോക ഒന്നാം നന്പര്‍ താരമായ നോര്‍വെയുടെ മാഗ്നസ് കാള്‍സണ്‍ ആണ് പ്രഗ്നാനന്ദയുടെ എതിരാളി.
ഫൈനലില്‍ പ്രവേശിച്ചതോടെ 2024 ഫിഡെ കാൻഡിഡേറ്റ് ചാന്പ്യൻഷിപ്പിനുള്ള യോഗ്യതയും ഇന്ത്യൻ താരം സ്വന്തമാക്കി. 21 വര്‍ഷത്തിനുശേഷമാണ് ഒരു ഇന്ത്യൻ താരം ചെസ് ലോകകപ്പ് ഫൈനലില്‍ പ്രവേശിക്കുന്നത്.
വിശ്വനാഥൻ ആനന്ദാണ് മുന്പ് ലോകകപ്പ് ഫൈനലില്‍ പ്രവേശിച്ച ഇന്ത്യൻ താരം.
