അന്തരിച്ച പവര്‍ സ്റ്റാര്‍ പുനീത് രാജ്കുമാറിന്റെ അവസാന പ്രൊജക്റ്റ് ‘ജെയിംസ്’ നടന്റെ ജന്മദിനമായ മാര്‍ച്ച്‌ 17, 2022 ന്തിയേറ്ററുകളില്‍ എത്തും.അതേസമയം കര്‍ണാടക സിനിമാ വിതരണക്കാര്‍ ആ ആഴ്‌ചയില്‍, അതായത് മാര്‍ച്ച്‌ 17 മുതല്‍ 23 വരെ ഒരു സിനിമയും റിലീസ് ചെയ്യാതെ പുനീത് രാജ്‌കുമാറിനെ ആദരിക്കാന്‍ തീരുമാനിച്ചു.
‘ജെയിംസ്’ അന്തരിച്ച നടനോടുള്ള ആദരസൂചകമാണ്, ജെയിംസ് ഒഴികെയുള്ള ഒരു കന്നഡ സിനിമയും മാര്‍ച്ച്‌ 17 മുതല്‍ 23 വരെ തിയേറ്ററുകളില്‍ പ്രദര്‍ശിപ്പിക്കില്ല. കന്നഡയില്‍ ഏറ്റവുമധികം പ്രതീക്ഷയോടെ കാത്തിരിക്കുന്ന ചിത്രങ്ങളിലൊന്നാണ് ഈ ചിത്രം.
ചേതന്‍ കുമാര്‍ സംവിധാനം ചെയ്യുന്ന ഈ ആക്ഷന്‍ എന്റര്‍ടെയ്‌നര്‍ തീവ്രമായ ആക്ഷന്‍ ഗ്യാരണ്ടിയുള്ളതായിരിക്കും.ജെയിംസിന്റെ നിര്‍മ്മാതാക്കള്‍ പുനീതിന്റെ മൂത്ത സഹോദരന്മാരായ രാഘവേന്ദ്ര രാജ്കുമാറിനെയും ശിവരാജ്കുമാറിനെയും അതിഥി വേഷങ്ങളില്‍ അവതരിപ്പിച്ചു. മൂന്ന് സഹോദരന്മാരെയും ഒരുമിച്ച്‌ ബിഗ് സ്‌ക്രീനില്‍ കാണാന്‍ പുനീതിന്റെ ആരാധകര്‍ പതിറ്റാണ്ടുകളായി കാത്തിരിക്കുകയാണ്.
