ഇരവിപുരം: സ്വകാര്യ ആശുപത്രി ജീവനക്കാരിയെ കടന്നുപിടിച്ച സംഭവത്തില്‍ ആംബുലന്‍സ് ഡ്രൈവറെ പോലീസ് അറസ്റ്റ് ചെയ്തു . കഴിഞ്ഞദിവസം അയത്തില്‍ സ്വകാര്യ ആശുപത്രിയിലെ ജീവനക്കാരിക്ക് നേരെയാണ് അതിക്രമമുണ്ടായത് .
പാലോട് പൊന്നന്‍തോട്ടം മേക്കരവീട്ടില്‍ സുജിത് (23) ആണ് അറസ്റ്റിലായത്. കൊല്ലം സിറ്റി പൊലീസ് കമീഷണറുടെ നിര്‍ദേശാനുസരണം കൊല്ലം അസി. കമീഷണറുടെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. ഇയാളെ കോടതിയില്‍ ഹാജരാക്കി റിമാന്‍ഡ് ചെയ്തു.
