പ്രശസ്ത നടി ഭൈരവി വൈദ്യ അന്തരിച്ചു
ചോരി ചോരി ചുപ്‌കെ ചുപ്‌കെ, താല്‍ തുടങ്ങിയ ചിത്രങ്ങളിലൂടെ പ്രശസ്തയായ മുതിര്‍ന്ന നടി ഭൈരവി വൈദ്യ ( 67) അന്തരിച്ചു.
തന്റെ മക്കളെ വളര്‍ത്തി അവരുടെ സ്വപ്നങ്ങള്‍ സാക്ഷാത്കരിക്കാൻ പ്രാപ്തരാക്കിയ ഒരു സ്ത്രീയായിരുന്നു എന്റെ അമ്മയെന്നാണ് മകള്‍ അമ്മയുടെ വിയോഗത്തെക്കുറിച്ച്‌ കുറിച്ചത്.
സിനിമയോ സീരിയലോ ആകട്ടെ, സ്വന്തം നിയമങ്ങളില്‍ ഒട്ടും വിട്ടുവീഴ്ച ചെയ്യാതെ സിനിമാ ഇൻഡസ്ട്രിയില്‍ തന്റെ പേര് കെട്ടിപ്പടുത്തു, ക്യാൻസര്‍ ബാധിച്ച്‌ അവസാന ശ്വാസം വരെ പോരാടിയ സ്ത്രീ, നിനക്ക് എന്റെ പ്രണാമമെന്നും ധീരയായ അമ്മയെക്കുറിച്ച്‌ മകള്‍ കുറിച്ചു. ദീര്‍ഘനാളായി അര്‍ബുദ ബാധിതയായി ചികിത്സയിലായിരുന്നു നടി.
സിനിമയിലും ടെലിവിഷൻ മേഖലയിലും ഏറെ ശ്രദ്ധിക്കപ്പെട്ട മുഖമായിരുന്നു ഭൈരവി വൈദ്യ. അനില്‍ കപൂറിന്റെയും ഐശ്വര്യ റായ് ബച്ചന്റെയും താല്‍ എന്ന ചിത്രത്തിലൂടെയാണ് അവര്‍ അരങ്ങേറ്റം കുറിച്ചത്. സല്‍മാൻ ഖാന്റെയും പ്രീതി സിന്റയുടെയും ചോരി ചോരി ചുപ്‌കെ ചുപ്‌കെയിലും ശ്രദ്ധേയമായ പ്രകടനം കാഴ്ച്ചവച്ചു.
