വിദേശരാജ്യങ്ങളില്‍ ചിത്രീകരിക്കുകയും അതുവഴി ആസ്വാദനത്തിൻ്റെ പുതിയ കാഴ്ചകളും വാണിജ്യത്തിൻ്റെ വഴികളും തുറക്കുന്ന ഇന്ത്യൻ ചലച്ചിത്രങ്ങള്‍
വിദേശരാജ്യങ്ങളില്‍ ചിത്രീകരിക്കുകയും അതുവഴി ആസ്വാദനത്തിൻ്റെ പുതിയ കാഴ്ചകളും വാണിജ്യത്തിൻ്റെ വഴികളും തുറക്കുന്ന ഇന്ത്യൻ ചലച്ചിത്രങ്ങള്‍ക്കുള്ള IIFTC (Indian International Film Tourism Conclave) 2023 പുരസ്ക്കാരചടങ്ങില്‍, 2022ല്‍ ഇറങ്ങിയ മലയാള സിനിമകളില്‍ നിന്നും ദി പ്രൊപോസല്‍ എന്ന പുതുമുഖ ചിത്രത്തിന് സിനിമാറ്റിക് എക്സലൻസ് ( cinematic excellence) അവാര്‍ഡ് കരസ്ഥമാക്കി.
ഓസ്‌ട്രേലിയയില്‍ പൂര്‍ണ്ണമായും ഷൂട്ട് ചെയ്ത ആദ്യ മലയാള ചിത്രമാണ് ദി പ്രൊപോസല്‍. അത്തരത്തില്‍ ഒരു പുതുമ അവകാശപ്പെടാനുള്ള മലയാള ചിത്രമായി ദി പ്രൊപ്പോസലിനെ അംഗീകരിക്കുകയും പ്രോത്സാഹിപ്പിക്കുകയും ചെയുകകൂടിയാണ് ഈ അവാര്‍ഡ് കൊണ്ട് തങ്ങള്‍ ഉദ്ദേശിക്കുന്നതെന്ന് അവാര്‍ഡ് കമ്മിറ്റി കണ്‍വീനര്‍ കൂടിയായ അനിന്ദ്യ ദാസ്ഗുപ്ത അഭിപ്രായപ്പെട്ടു. തമിഴില്‍ നിന്നും റോക്കറ്ററി- ദി നമ്ബി എഫക്‌ട് , തെലുഗില്‍ നിന്നും RRR, കന്നഡ ചിത്രമായ റെയ്‌മോ, ഗുജറാത്തി ചിത്രം ഹൂണ് തരി ഹീര്‍ എന്നീ ചിത്രങ്ങള്‍ക്കും അവാര്‍ഡുകള്‍ ലഭിച്ചു.
2022ല്‍ സൈന പ്ളേ ഒടിടിയിലാണ് ദി പ്രൊപോസല്‍ റിലീസ് ചെയ്തത്. കോവിഡ് കാലത്ത് അഞ്ച് ലക്ഷം രൂപയില്‍ താഴെ വരുന്ന ബഡ്ജറ്റില്‍ ഒരു പരീക്ഷണ സിനിമയായി പൂര്‍ത്തീകരിച്ച ഈ ചിത്രത്തിന് കിട്ടിയ അവാര്‍ഡ് അത്ഭുതത്തോടും നന്ദിയോടും കൂടി സ്വീകരിക്കുന്നു എന്ന് ചടങ്ങില്‍ പങ്കെടുത്ത സിനിമയുടെ എഴുത്തുകാരനും സംവിധായകനുമായ ജോ ജോസഫ് പറഞ്ഞു.
സ്‌റ്റുഡന്റ് വിസയില്‍ ഓസ്‌ട്രേലിയായില്‍ എത്തുന്ന നായക കഥാപാത്രം വിസ അവസാനിച്ചതിന് ശേഷം, അതെ രാജ്യത്തു തന്നെ തുടര്‍ന്ന് ജീവിക്കാനായി കേരളത്തിലെ ഒരു മാട്രിമോണിയല്‍ സൈറ്റില്‍ നിന്നും പെര്‍മനന്റ് വിസയുള്ള ഒരു മലയാളി വധുവിനെ കണ്ടെത്താൻ ശ്രമിക്കുന്നതും തുടര്‍ന്നുണ്ടാകുന്ന സന്ദര്‍ഭങ്ങളുമാണ് ദി പ്രൊപോസല്‍ എന്ന റോം-കോം ജോണറില്‍ ഇറങ്ങിയ ചിത്രത്തിൻ്റെ പശ്ചാത്തലം. സംവിധായകൻ കൂടിയായ ജോ ജോസഫ് , അനുമോദ് പോള്‍, അമര രാജ, ക്ലെയര്‍ സാറ മാര്‍ട്ടിൻ, സുഹാസ് പാട്ടത്തില്‍, കാര്‍ത്തിക മേനോൻ തോമസ് എന്നീ പുതുമുഖങ്ങള്‍ പ്രധാന റോളുകളില്‍ അഭിനയിച്ച ചിത്രം 2022 മെയ് മാസത്തില്‍ ആണ് റിലീസ് ചെയ്തത്. യുവതലമുറ വിദേശത്തേക്കും മറ്റും നാട് വിടുന്ന വസ്തുതചര്‍ച്ച ചെയ്യപ്പെടുന്ന ഈ കാലത്ത് പ്രേക്ഷകര്‍ക്ക് വളരെ ബന്ധപെടുത്താവുന്ന കഥാസന്ദര്‍ഭങ്ങളാണ് ഈ ചെറിയ സിനിമയില്‍ ഉടനീളം ഉള്ളത്.
ഒക്ടോബര് 12 മുതല്‍ 14 വരെ നീണ്ടു നിന്ന IIFTC ചലച്ചിത്ര മേളയില്‍ തമിഴ്, മലയാളം, കന്നഡ, തെലുഗ്, ഹിന്ദി, പഞ്ചാബി ഗുജറാത്തി, എന്നീ ഇൻഡസ്‌ട്രികളിലെ ശ്രദ്ധേയരായ നിര്‍മാതാക്കളും സംവിധായകരും പങ്കെടുത്തു. ഇന്ത്യൻ സിനിമ നിര്‍മാണ കമ്ബനികളെ ലാഭകരവും സുതാര്യവുമായ ചിത്രീകരണത്തിനായി തങ്ങളുടെ രാജ്യങ്ങളിലേക്ക് ക്ഷണിച്ചുകൊണ്ട് ടര്‍ക്കി, പോളണ്ട്, കെനിയ, പോര്‍ചുഗല്‍, യൂഎഇ , സ്പെയിൻ, അമേരിക്ക, സെര്‍ബിയ, മൗറീഷ്യസ്, അസിര്‍ബൈജാൻ, ഫ്രാൻസ് എന്നീ രാജ്യങ്ങളിലെ ഫിലിം ബോര്‍ഡ് പ്രതിനിധികളും ചടങ്ങുകളില്‍ പങ്കെടുത്തു. 10 വര്‍ഷമായി നടക്കുന്ന മേളയിലെ ഈ വര്‍ഷത്തെ ഇവെൻറ്റുകള്‍ ഇമ്ത്യാസ് അലി, കബീര്‍ ബേഡി, ആര്‍. ബല്‍കി തുടങ്ങി അനേകം പ്രഗല്‍ഭരുടെ സാന്നിധ്യം കൊണ്ട് ശ്രദ്ധേയമായിരുന്നു. ചിത്രത്തിന്റെ പി ആര്‍ ഓ അജയ് തുണ്ടത്തില്‍.
