ഐപിഎസ് തലപ്പത്ത് മാറ്റം. പൊലീസ് ആസ്ഥാനത്തെ എഐജി ഹരിശങ്കറിനെ മാറ്റി സൈബര്‍ ഓപ്പറേഷന്റെ ചുമതല നല്‍കി.
തിരുവനന്തപുരം > ഐപിഎസ് തലപ്പത്ത് മാറ്റം. പൊലീസ് ആസ്ഥാനത്തെ എഐജി ഹരിശങ്കറിനെ മാറ്റി സൈബര്‍ ഓപ്പറേഷന്റെ ചുമതല നല്‍കി.
പാലക്കാട് എസ്പി മായ വിശ്വനാഥാകും പൊലീസ് ആസ്ഥാനത്തെ പുതിയ എഐജി. വയനാട് ജില്ലാ പൊലീസ് സൂപ്രണ്ട് ആനന്ദിനെ പാലക്കാട് എസ്പിയായി നിയമിച്ചു.
പദം സിംഗിനാണ് വയനാടിന്റെ ചുമതല. പദം സിംഗിന് പകരം ഇന്ത്യൻ റിസര്‍വ് ബറ്റാലിയൻ കമാൻഡന്റിന്റെ ചുമതല പി നിധിൻ രാജിന് നല്‍കി. ഷൗക്കത്തലിയെ ആൻറി ടെററിസ്റ്റ് സ്ക്വാഡില്‍ നിന്നും ക്രൈംബ്രാഞ്ച് എസ്പിയായി മാറ്റി നിയമിച്ചു. വിജിലൻസ് എസ്പി ബിജോയിയെ സ്റ്റേറ്റ് സ്പെഷ്യല്‍ ബ്രാഞ്ച് തിരുവനന്തപുരം റേഞ്ചിലേക്ക് മാറ്റി.
ആലപ്പുഴ ക്രൈംബ്രാഞ്ച് എസ് പി കെ എസ് സുദര്‍ശനനെ വിജിലൻസിലേക്ക് മാറ്റി നിയമിച്ചു. 12 എഎസ്പിമാരെയും 25 ഡിവൈഎസ്പിമാരെയും മാറ്റി നിയമിച്ചിട്ടുണ്ട്.
