രണ്ടുദിവസത്തെ കേരളസന്ദര്‍ശനത്തിനായി ഉപരാഷ്ട്രപതി ജഗ്‌ദീപ് ധന്‍കര്‍ ഇന്ന് തിരുവനന്തപുരത്തെത്തും.
തിരുവനന്തപുരം: രണ്ടുദിവസത്തെ കേരളസന്ദര്‍ശനത്തിനായി ഉപരാഷ്ട്രപതി ജഗ്‌ദീപ് ധന്‍കര്‍ ഇന്ന് തിരുവനന്തപുരത്തെത്തും.
പത്നി സുദേഷ് ധന്‍കറും ഒപ്പമുണ്ടാകും. 4.40-ന് വിമാനത്താവളത്തിലെത്തുന്ന ഉപരാഷ്ട്രപതി ഗാര്‍ഡ് ഓഫ് ഓണര്‍ സ്വീകരിച്ചശേഷം അഞ്ചുമണിക്ക് ശ്രീപത്മനാഭസ്വാമി ക്ഷേത്രം സന്ദര്‍ശിക്കും.അവിടെനിന്നു രാജ്ഭവനിലേക്കു പുറപ്പെടുന്ന ഉപരാഷ്ട്രപതി രാത്രി അവിടെ തങ്ങും.
22നു രാവിലെ ഒമ്ബതിന് ക്ലിഫ് ഹൗസില്‍ മുഖ്യമന്ത്രി പിണറായി വിജയന്‍ ഒരുക്കുന്ന വിരുന്നില്‍ പങ്കെടുക്കും. 10.30ന് നിയമസഭ ആര്‍. ശങ്കരനാരായണന്‍ തമ്ബി മെമ്ബേഴ്സ് ലോഞ്ചില്‍ നിയമസഭാ മന്ദിരത്തിന്റെ രജതജൂബിലി ഉദ്ഘാടനം ചെയ്യും.12-ന് കണ്ണൂലേക്കു പോകുന്ന അദ്ദേഹം തന്റെ അധ്യാപികയായിരുന്ന കണ്ണൂര്‍ താഴെ ചമ്ബാടുള്ള രത്നാ നായരെ സന്ദര്‍ശിക്കും. ശേഷം, ഏഴിമല നാവിക അക്കാദമിയും സന്ദര്‍ശിക്കും.
