ന്യൂഡല്‍ഹി: കോവിഡ് ഒറ്റ ഡോസ് വാക്സിന് 12 മുതല്‍ 17 വയസ്സ് പ്രായക്കാരില്‍ പരീക്ഷിക്കാന്‍ അനുമതി തേടി ജോണ്‍സണ്‍ ആന്‍ഡ് ജോണ്‍സണ്‍. 18വയസ്സിന് മുകളിലുള്ളവരില്‍ ഉപയോഗിക്കാന്‍ അനുമതി ലഭിച്ചതിന് പിന്നാലെയാണ് പ്രതിരോധം കുട്ടയികളിലേക്ക് കൂടി വ്യാപിപ്പിക്കാന്‍ ലക്ഷ്യമിട്ട് കുട്ടികളിലെ പരീക്ഷണത്തിന് അനുവാദം തേടിയിരിക്കുന്നത്.
കോവിഡ് ബാധിതരില്‍ 85 ശതമാനം ഫലപ്രാപ്തി തെളിയിച്ച വാക്സിന് രാജ്യത്ത് നേരത്തെ അനുമതി ലഭിച്ചതാണ്. ഓഗസ്റ്റിലാണ് ജോണ്‍സണ്‍ ആന്‍ഡ് ജോണ്‍സണ്‍ സിംഗിള്‍ ഡോസ് കോവിഡ് -19 വാക്സിന് ഇന്ത്യയില്‍ അടിയന്തര ഉപയോഗ അനുമതി നല്‍കിയത്. കോവിഷീല്‍ഡ്, കൊവാക്സിന്‍, സ്പുട്നിക്, മോഡേണ എന്നിവയാണ് രാജ്യത്ത് മുതിര്‍ന്നവരില്‍ അനുമതി ലഭിച്ച മറ്റു വാക്സിനുകള്‍.
