ഹിന്ദി ഹൃദയഭൂമിയിൽ ബിജെപിക്ക് മികച്ച ലീഡ് നേടാനായതിൽ പ്രതികരിച്ച് ബിജെപി കേരള അധ്യക്ഷൻ കെ സുരേന്ദ്രൻ. തകർക്കാനാവാത്ത വിശ്വാസമാണെന്നും ഉജ്ജ്വല സെമിഫൈനൽ കടന്ന് തകർപ്പൻ ഫൈനലിലേക്കാണ് പോകുന്നത്. കേരളത്തിലെ ഭരണ – പ്രതിപക്ഷങ്ങൾ നരേന്ദ്രമോദിക്കെതിരെ നടത്തുന്ന വ്യാജപ്രചാരണങ്ങൾക്കുള്ള ഉത്തരം കൂടിയാണിത്. പ്രഹസന യാത്രകളെ, പ്രീണന തന്ത്രങ്ങളെ, കുടുംബവാഴ്ചയെ, അധികാരക്കൊതി മൂത്തുള്ള അവിശുദ്ധ സഖ്യങ്ങളെ ജനം തിരിച്ചറിയുകയാണെന്നും സുരേന്ദ്രൻ പറഞ്ഞു.
