കൊല്ലം ജില്ലയിലെ മത്സ്യബന്ധന മേഖലയിലെ തൊഴിലാളികൾ നേരിടുന്ന പ്രശ്നങ്ങളിൽ ജില്ലാ ഭരണകൂടത്തിന്റെ അടിയന്തര ഇടപെടൽ ആവശ്യപ്പെട്ടു കെസിവൈഎം കൊല്ലം രൂപതാ സമിതി പ്രസിഡൻ്റ് കിരൺ ക്രിസ്റ്റഫറിൻ്റെ നേതൃത്വത്തിൽ കൊല്ലം ജില്ലാ കളക്ടർക്ക് നിവേദനം സമർപ്പിച്ചു.
മത്സ്യത്തൊഴിലാളികൾ നേരിടുന്ന സുപ്രധാനമായ 6 പ്രശ്നങ്ങളിൽ അടിയന്തിര ഇടപെടൽ ആവശ്യപ്പെട്ടും, മറ്റ് പ്രശ്നങ്ങളിൽ പ്രത്യേക ശ്രദ്ധ ആവശ്യപ്പെട്ടും സമർപ്പിക്കപ്പെട്ട നിവേദനത്തിൽ സജീവ ഇടപെടൽ ജില്ലാ കളക്ടർ ഉറപ്പ് നൽകി.
കെസിവൈഎം കൊല്ലം രൂപതാ ഡയറക്ടർ ഫാ: ബിന്നി മാനുവൽ, രൂപതാ പ്രസിഡന്റ് കിരൺ ക്രിസ്റ്റഫർ, മുൻ സംസ്ഥാന പ്രസിഡന്റ് എഡ്വേർഡ് രാജു, രൂപതാ വൈസ് പ്രസിഡന്റ് മാനുവൽ എന്നിവർ അടങ്ങുന്ന പ്രതിനിധി സംഘമാണ് നിവേദനം സമർപ്പിച്ചത്.
