ന്യൂഡല്‍ഹി: ജര്‍മ്മനിയെ തോല്‍പ്പിച്ച്‌ ഒളിമ്ബിക്സ് ഹോക്കിയില്‍ വെങ്കല മെഡല്‍ നേടിയ ഇന്ത്യന്‍ പുരുഷ ടീമിനെ അഭിനന്ദിച്ച്‌ പ്രധാനമന്ത്രി നരേന്ദ്ര മോദി. ചരിത്രമാണ് ടോക്യോയില്‍ പിറന്നിരിക്കുന്നതെന്ന് മോദി ട്വീറ്റ് ചെയ്തു.
ഓരോ ഇന്ത്യക്കാരേന്‍റയും മനസില്‍ പതിഞ്ഞ ദിനമാണിത്. നമ്മുടെ ഹോക്കി ടീം വെങ്കലമെഡല്‍ രാജ്യത്തെത്തിച്ചിരിക്കുന്നു. വിജയത്തിലൂടെ ടീം രാജ്യത്തിന്‍റെ മുഴുവന്‍ ശ്രദ്ധ പിടിച്ചുപറ്റിയെന്നും മോദി വ്യക്തമാക്കി. രാജ്യം നിങ്ങളെയോര്‍ത്ത് അഭിമാനിക്കുകയാണെന്നും അദ്ദേഹം കൂട്ടിച്ചേര്‍ത്തു.
ചരിത്രവിജയം ഹോക്കിയില്‍ പുതുയുഗത്തിന് തുടക്കം കുറിക്കുമെന്ന് രാഷ്ട്രപതി രാംനാഥ് കോവിന്ദും പ്രതികരിച്ചു.
41 വര്‍ഷത്തിന് ശേഷമാണ് ഇന്ത്യന്‍ ഹോക്കി ടീം ഒളിമ്ബിക്സ് മെഡല്‍ സ്വന്തമാക്കുന്നത്. ജര്‍മ്മനിക്കെതിരെയുള്ള മത്സരം 5-4നാണ് ഇന്ത്യ വിജയിച്ചത്.
