മൻസൂര്‍ അലിഖാന്റെ മാപ്പ് അംഗീകരിച്ചതായി സൂചിപ്പിച്ച്‌ തൃഷ.
ചെന്നൈ: മൻസൂര്‍ അലിഖാന്റെ മാപ്പ് അംഗീകരിച്ചതായി സൂചിപ്പിച്ച്‌ തൃഷ. സ്ത്രീവിരുദ്ധ പരാമര്‍ശം നടത്തിയതില്‍ നടൻ മൻസൂര്‍ അലി ഖാൻ മാപ്പ് പറഞ്ഞതിന് തൊട്ടു പിന്നാലെയാണ് താരം പ്രതികരിച്ചിരിക്കുന്നത്.
തന്റെ എക്‌സ് അക്കൗണ്ടിലൂടെയാണ് തൃഷ പുതിയ പോസ്റ്റ് പങ്കുവെച്ചിരിക്കുന്നത്. ‘തെറ്റ് മാനുഷികം, ക്ഷമ ദൈവീകം’ എന്നാണ് താരം കുറിച്ചത്. നടി തൃഷയ്‌ക്കെതിരെ നടത്തിയ വിവാദ പരാമര്‍ശത്തില്‍ അവരോട് മാപ്പ് പറയുന്നുവെന്ന് മൻസൂര്‍ അലി ഖാൻ പോലീസില്‍ മൊഴി നല്‍കിയിരുന്നു. ചോദ്യം ചെയ്യലിനായി എത്തിയപ്പോഴായിരുന്നു നടന്റെ ഖേദ പ്രകടനം.
