തിരുവനന്തപുരം: പുരാവസ്തു തട്ടിപ്പുകാരന് മോണ്സണ് മാവുങ്കലുമായി ബന്ധപ്പെട്ട വിവാദത്തില് ട്രാഫിക്ക് ഐജി ജി ലക്ഷ്മണയെ(ഗോകുലത്ത് ലക്ഷ്മണ) സസ്പെന്റ് ചെയ്തു.സസ്പെന്ഷന് ഉത്തരവില് ചൊവ്വാഴ്ച രാത്രി മുഖ്യമന്ത്രി ഒപ്പിട്ടു.ജനുവരിയില് എഡിജിപിയായി സ്ഥാനക്കയറ്റം ലഭിക്കാനിരിക്കെയാണ് സസ്പന്ഷന്.
പോലീസ് സേനയ്ക്ക് അപമാനകരമായ പെരുമാറ്റമുണ്ടായെന്ന കണ്ടെത്തലിന്റെ അടിസ്ഥാനത്തിലാണ് ഐജിയെ സസ്പെന്റ് ചെയ്തത്. 2010 ബാച്ച് കേരള കേഡര് ഉദ്യോഗസ്ഥനാണ് തെലങ്കാന സ്വദേശിയായ ഐജി ജി ലക്ഷ്മണ്.
മോന്സണെതിരേ ചേര്ത്തല പോലീസ് രജിസ്റ്റര് ചെയ്ത കേസ് ക്രൈംബ്രാഞ്ചിന് കൈമാറിയത് വീണ്ടും ലോക്കല് പോലീസിനുതന്നെ കൈമാറുന്നതിനായി ലക്ഷ്മണ് ഇടപെട്ടതിന്റെ രേഖകള് പുറത്തുവന്നിരുന്നു.
കേസുകള് ഒതുക്കാനും ലക്ഷ്മണിന്റെ സഹായം കിട്ടിയെന്ന് മോന്സണ് അവകാശപ്പെടുന്ന വീഡിയോ, ഓഡിയോ ദൃശ്യങ്ങളും പുറത്തുവന്നു.മോണ്സണെതിരായ കേസുകള് അട്ടിമറിക്കാന് ഇടപെട്ടു.
ഐജി ലക്ഷമണയും മോന്സന്റെ മാനേജരടക്കമുള്ളവരുമായി നടത്തിയ വാട്സാപ്പ് ചാറ്റുകളുടെ വിവരങ്ങളും ഇന്ന് പുറത്തുവന്നു. ആന്ധ്രാ സ്വദേശിനി സുജാതക്കൊപ്പം ഐജി മോന്സണിന്്റെ വീട്ടില് താമസിച്ചു എന്ന് ക്രൈംബ്രാഞ്ച് കണ്ടെത്തിയിരുന്നു.
മോന്സന്റെ പുരാവസ്തു വില്പ്പനയിലും തട്ടിപ്പിലുമടക്കം ലക്ഷ്മണയ്ക്ക് നിര്ണായകമായ പങ്കുണ്ട് എന്ന സൂചനകളുടെ അടിസ്ഥാനത്തിലാണ് നടപടി.