യു.എ. ഇയില്‍ ചിത്രീകരണം പുരോഗമിക്കുന്ന മഞ്ജു വാര്യര്‍ ചിത്രം ആയിഷ മാര്‍ച്ച്‌ 6ന് പാക്കപ്പാകും.മാര്‍ച്ച്‌ 8ന് മഞ്ജു വാര്യര്‍ മടങ്ങി എത്തും.
ഒരു മാസമായി യു.എ. ഇയില്‍ ചിത്രീകരണം നടക്കുന്ന ആയിഷയില്‍ ടൈറ്റില്‍ കഥാപാത്രത്തെയാണ് മഞ്ജു വാര്യര്‍ അവതരിപ്പിക്കുന്നത്.നവാഗതനായ ആമിര്‍ പള്ളിക്കല്‍ സംവിധാനം ചെയ്യുന്ന ആയിഷ മലയാളത്തിന് പുറമെ ഇംഗ്ലീഷ്, അറബിക്, തമിഴ്, തെലുങ്ക്, ഹിന്ദി, കന്നഡ ഭാഷകളില്‍ എത്തുന്നുണ്ട്. പ്രമുഖ ഡാന്‍സ് കൊറിയോഗ്രഫറും നടനും സംവിധായകനുമായ പ്രഭുദേവയാണ് ആയിഷയുടെ നൃത്ത സംവിധാനം .
പ്രഭുദേവയുടെ നൃത്തസംവിധാനത്തില്‍ ഇതാദ്യമായാണ് മഞ്ജു വാര്യര്‍ ചുവടുവയ്ക്കുന്നത്. ക്ളാസ് മേറ്റ്സിലൂടെ ശ്രദ്ധേയായ രാധിക ആണ് ചിത്രത്തിലെ മറ്റൊരു താരം. നിരവധി വിദേശ താരങ്ങളും അണിനിരക്കുന്നുണ്ട്. ആഷിഫ് കക്കോടിയാണ് രചന നിര്‍വഹിക്കുന്നത്.
ക്രോസ് ബോര്‍ഡര്‍ ക്യാമറയുടെ ബാനറില്‍ സക്കറിയ നിര്‍മ്മിക്കുന്ന ചിത്രത്തിന്റെ സഹ നിര്‍മ്മാതാക്കള്‍ ഫെദര്‍ ടച്ച്‌ മൂവി ബോക്സ്, ഇമാജിന്‍ സിനിമാസ്, ലാസ്റ്റ് എക്സിറ്റ് , മൂവീ ബക്കറ്റ് എന്നീ ബാനറുകളില്‍ ശംസുദ്ധീന്‍ , സക്കറിയ വാവാട്, ഹാരിസ് ദേശം , അനീഷ് പി.ബി എന്നിവര്‍ ചേര്‍ന്നാണ്.
ഛായാഗ്രഹണം വിഷ്ണു ശര്‍മ, എഡിറ്റര്‍ അപ്പു എന്‍ ഭട്ടതിരി , കലാ സംവിധാനം മോഹന്‍ദാസ് , വസ്ത്രാലങ്കാരം സമീറ സനീഷ്, ചമയം റോണക്സ് സേവ്യര്‍ . ഗാനരചന ബി .കെ ഹരിനാരായണന്‍ , സുഹൈല്‍ കോയ . സംഗീതം എം. ജയചന്ദ്രന്‍. പ്രൊഡക്ഷന്‍ കണ്‍ട്രോളര്‍ റിന്നി ദിവാകര്‍
